Rhai wythnosau yn ôl fe wnaethon ni gynnal gweithdy ar-lein er mwyn trafod y weledigaeth ar gyfer prosiect O’r Mynydd i’r Môr, a cheisio darganfod y themau sydd o ddiddordeb i bobl yr ardal. Cawsom drafodaethau diddorol a chyffrous wrth i bawb fynd mewn grŵpiau bach i rannu barn a syniadau. Y ddau gwestiwn mawr oedd:

1. Sut all y tir a’r mor wneud mwy i ni ac i natur yn y dyfodol?

2. Sut allwn ni wneud hyn ddigwydd?

Roedd amrywiaeth o gefndiroedd a diddordebau ymysg y 50+ o bobl a fynychodd. Diolch yn fawr i’n hwylyswyr gwirfoddol a wnaeth helpu arwain y trafodaethau a chofnodi popeth.  Dyma’r prif themau oedd yn bresenol yn y trafodaethau:

Pwysigrwydd y broses o gyd-ddylunio

• yn cynnwys ystod eang o pobl

Cysylltu pobl â natur

• Datblygu economi yn seiliedig ar natur
• Gwella hygyrchedd a chynhwysiant
• Addysg

Gwella ac ehangu bioamrywiaeth

• Morol – ystyried dyframaethu (aquaculture), stopio carthu (dredging), ecosystemau carbon glas
• Ehangu coetir – adfer y Coedwigoedd Glaw Celtaidd
• Llefydd mwy ‘gwyllt’ ochr yn ochr â chynhyrchu

Rheolaeth gynaliadwy o’r tir a’r mor

• Cefnogaeth bwrpasol ar gyfer ffermwyr cychwynnol
• Gwobrwyo am weithio ar raddfa tirwedd/mewn partneriaeth
• Cynnal arddangosiadau ar ffermydd i rannu arferion da.

Gallwch ddarllen y nodiadau o’r gweithdy yma. Rydyn ni dal i archwilio beth yw’r weledigaeth a’r themau cyn symyd ymlaen i’r cam nesaf o’r broses cyd-ddylunio (sef darganfod a datblygu syniadau penodol). Hoffwn glywed mwy o straeon a syniadau gan bobl sy’n byw a gweithio yn yr ardal er mwyn cario ‘mlaen i adeiladu’r weledigaeth. Er mwyn gweld sut gallwch ymuno efo’r broses ewch i tudalen Cymeryd Rhan, neu cofrestrwch am un o’n gweithdy yn fis Rhagfyr drwy ddilyn y linc isod.

• Dydd Iau, 10fed Rhagfyr 2020 – 12.30 – 13.30 – cofrestrwch yma
• Dydd Iau, 10fed Rhagfyr 2020 – 17.30 – 18.30 – cofrestrwch yma

Os oes gennych unrhyw gwestiynau am y nodiadau neu am y prosiect ebostiwch sian.stacey@ormynyddirmor.cymru.